அரேபியன் முர்தபா

தேவையான பொருட்கள்:

மாவு தயாரிக்க:
மைதா - 2 கப்
வெண்ணெய் - 2 மேசைக்கரண்டி
பேக்கிங் பவுடர் - ஒரு சிட்டிகை
உப்பு - அரை தேக்கரண்டி
சீனி - ஒரு சிட்டிகை
தண்ணீர் - பிசைய
ஃபில்லிங் செய்ய:
பொடியாக நறுக்கிய வெங்காயம் - ஒன்று
கேரட் - ஒன்று
பச்சை மிளகாய் - ஒன்று
மட்டன் கைமா - 50 கிராம்
முட்டை - 3
கரம் மசாலா தூள் - ஒரு தேக்கரண்டி
மிளகாய் தூள் - அரை தேக்கரண்டி
மஞ்சள் தூள் - அரை தேக்கரண்டி
இஞ்சி பூண்டு - ஒரு தேக்கரண்டி
மல்லி தழை - சிறிது
எண்ணெய் - தேவையான அளவு

 செய்முறை: 

மைதாவில் வெண்ணெயை உருக்கி ஊற்றி, பேக்கிங் பவுடர் சேர்த்து தண்ணீர் விட்டு சப்பாத்தி மாவு போல் பிசைந்து வைக்கவும்.

ஒரு பாத்திரத்தில் மட்டன் கைமா, இஞ்சி பூண்டு, கரம் மசாலா தூள், மிளகாய் தூள், மஞ்சள் தூள், சிறிது உப்பு, சிறிது தண்ணீர் சேர்த்து வேக விடவும்.

பின் நறுக்கிய வெங்காயம், கேரட், பச்சை மிளகாய் தனித்தனியே சிறிது எண்ணெய் விட்டு வதக்கி, கைமா கலவையில் சேர்த்து பிரட்டி வைக்கவும்.

முட்டையை உடைத்து ஊற்றி கலக்கி வைக்கவும்.

மாவை உருண்டை போட்டு சமதளத்தில் வைத்து வளர்த்து, நடுவில் ஃபில்லிங் வைக்கவும்.

இருபுறமும் படத்தில் உள்ளது போல் மடிக்கவும்.

மடித்த முர்தபாவில் இருபுறமும் முட்டை தடவி, ஒரு தவாவில் போட்டு சிறிது எண்ணெய் விட்டு வெந்ததும் திருப்பி போட்டு சுடவும்.

அரேபியன் முர்தபா ரெடி. முர்தபாவிற்கு ஃபில்லிங் இறால், சிக்கன், உருளைக்கிழங்கிலும் செய்யலாம்.