மைதா கச்சாயம்

தேவையான பொருட்கள்:

மைதா- 1/2 கிலோ,
ரவை - 1/4 கிலோ,
வெல்லம் - 3/4 கிலோ,
ஏலக்காய் - 5,
எள்ளு - 1 ஸ்பூன்,
பொட்டுக்கடலை - 3 ஸ்பூன்,
தேங்காய் - 1/2 மூடி,
எண்ணெய் - சுடுவதற்கு.

 செய்முறை: 

ரவை, மைதாவை கலந்து 2 டம்ளர் தண்ணீர் ஊற்றி 1/2 மணி நேரம் ஊற வைக்கவும்.
பொட்டுக்கடலையை ஒன்று இரண்டாக பொடிக்கவும்.
எள்ளை கழுவி தோலை தேய்த்து எடுக்கவும்.
ஏலக்காயை பொடி செய்யவும்.
தேங்காயை துருவி வாசம் வரும் வரை வறுக்கவும்.
வெல்லத்தை தட்டி, 1 டம்ளர் தண்ணீரில் கரைத்து வடி கட்டவும்.
ஊற வைத்த மாவுடன் ஏலக்காய், எள்ளு, பொட்டுக்கடலை, தேங்காய், வெல்ல கரைசல்சேர்த்து தோசை மாவு பதத்திற்கு கரைக்கவும்.
வாணலியில் எண்ணெய் ஊற்றி காய்ந்தவுடன், சின்ன கரண்டியில் மொண்டு ஊற்றி, மேலெழும்பி வந்தவுடன், திருப்பி வேக விட்டு எடுக்கவும்.