தக்காளி மல்லி சட்னி

தேவையான பொருட்கள்:

தக்காளி - 2 பெரியது
பெரிய வெங்காயம் - பாதி அளவு
பூண்டு - 3 பல்
கொத்தமல்லி இலை - கால் கட்டு
தேங்காய் துருவல் - 3 தேக்கரண்டி
கடலை பருப்பு - ஒரு தேக்கரண்டி
உளுத்தம் பருப்பு - ஒரு தேக்கரண்டி
மிளகாய் வற்றல் - 3
புளி - சிறிய கோலிகுண்டு அளவு
தாளிக்க:
கடுகு - கால் தேக்கரண்டி
சீரகம் - அரை தேக்கரண்டி
கறிவேப்பிலை - சிறிதளவு
பெருங்காயம் - சிறிதளவு
எண்ணெய் - 3 தேக்கரண்டி

 செய்முறை:     

வெங்காயம் மற்றும் தக்காளியை துண்டுகளாக நறுக்கிக் கொள்ளவும்.

கடாயில் ஒரு தேக்கரண்டி எண்ணெய் ஊற்றி உளுத்தம் பருப்பு, கடலைபருப்பு, மிளகாய் வற்றல் போட்டு சிவக்க வறுக்கவும்.

அதனுடன் தேங்காய் துருவல் மற்றும் புளி போட்டு ஒரு நிமிடம் வதக்கவும்.

இவை அனைத்தையும் மிக்ஸி ஜாரில் போட்டு ஒரு சுற்று சுற்றி எடுக்கவும்.

அதே கடாயில் ஒரு தேக்கரண்டி எண்ணெய் ஊற்றி பூண்டு, வெங்காயம் பின்னர் தக்காளி போட்டு வதக்கவும். தக்காளி வதங்கியவுடன் கொத்தமல்லி மற்றும் உப்பு சேர்த்து கலந்து விடவும். இந்த கலவை ஆறியவுடன் முதலில் அரைத்த கலவையுடன் சேர்ந்து அரைத்துக் கொள்ளவும்.

வேறு ஒரு சின்ன கடாயில் ஒரு தேக்கரண்டி எண்ணெய் ஊற்றி கடுகு, சீரகம், கறிவேப்பிலை, பெருங்காயம் போட்டு தாளித்து சட்னியில் கொட்டவும்.

சுவையான தக்காளி மல்லி சட்னி தயார். இது இட்லி, தோசைக்கு அருமையான சைடு டிஷ்.

Read More

லெமன் ஃபிஷ்

தேவையான பொருட்கள்:

ஃபிஷ் பில்லட் - 2
சோள மாவு - கால் கப்
மிளகுத் தூள் - ஒரு தேக்கரண்டி
லெமன் ஜெஸ்ட் (எலுமிச்சையின் மேல் தோல்) - ஒரு தேக்கரண்டி
எலுமிச்சை சாறு - 3 தேக்கரண்டி
வெண்ணெய் - 2 தேக்கரண்டி
பார்ஸ்லே இலை - அலங்கரிக்க
உப்பு - தேவையான அளவு

 செய்முறை:     

மீனைச் சுத்தம் செய்து ஒரு டிஷ்யூ பேப்பரால் ஈரப்பதத்தை ஒற்றி எடுக்கவும். பிறகு சிறிதளவு உப்பு தூவி தனியாக வைத்திருக்கவும்.

சோள மாவுடன் தேவையான அளவு உப்பு (ஏற்கனவே மீனில் சிறிதளவு உப்பு சேர்த்துள்ளோம்). மிளகுத் தூள் சேர்த்து கலந்து வைக்கவும்.

பெரிய பானில் வெண்ணெய் போட்டு உருக்கி, மீனை மாவில் பிரட்டி எடுத்து பானில் போடவும்.

2 நிமிடங்கள் கழித்து மீனின் மேல் சிறிதளவு லெமன் ஜெஸ்ட் தூவி, எலுமிச்சை சாற்றையும் ஊற்றி மேலும் 2 நிமிடங்கள் வேகவிட்டு திருப்பி போடவும்.

மேலும் 4 நிமிடங்களானதும் இறக்கி பார்ஸ்லே தூவி பரிமாறவும்.

Read More

மொஹல் சிக்கன் கறி

தேவையான பொருட்கள்:

கொத்திய கோழிக்கறி - அரைக் கிலோ
பச்சை மிளகாய் - 6
தக்காளி - 4
பெரிய வெங்காயம் - 2
மிளகாய்த் தூள் - ஒரு தேக்கரண்டி
கரம் மசாலாத் தூள் - ஒரு தேக்கரண்டி
பூண்டு - 10 பற்கள்
இஞ்சி - 2 அங்குலத் துண்டு
நெய் - 4 மேசைக்கரண்டி
உப்பு - தேவையான அளவு
கொத்தமல்லித் தழை - ஒரு கைப்பிடி அளவு

 செய்முறை:    

இஞ்சி, பூண்டினை தோல் நீக்கி பொடியாக நறுக்கிக் கொள்ளவும். பச்சை மிளகாய், வெங்காயம், தக்காளி ஆகியவற்றையும் பொடியாக நறுக்கிக் கொள்ளவும்.

வாணலியில் நெய் விட்டு நறுக்கிய இஞ்சி பூண்டினைப் போட்டு நன்கு வதக்கிக் கொள்ளவும்.

அத்துடன் கொத்திய கோழிக்கறியினை சேர்த்து, கரம் மசாலாத் தூள், மிளகாய்த் தூள், தேவையான அளவு உப்பு ஆகியவற்றைச் சேர்த்துப் பிரட்டி மிதமான தீயில் நன்கு வேகவிடவும்.

கறி முக்கால் பதம் வெந்த நிலையில் நறுக்கிய தக்காளியைச் சேர்த்து, தீயை சற்று அதிகமாக்கி நெய் பிரியும் வரை வதக்கவும்.

அதன் பிறகு பொடியாக நறுக்கி வைத்துள்ள வெங்காயம், பச்சை மிளகாய் சேர்த்து நன்கு வதக்கி, கறி நன்கு வேகும் வரை வைத்திருந்து வெந்தவுடன் இறக்கவும்.

சுவையான மொஹல் சிக்கன் கறி ரெடி. கொத்தமல்லித் தழை தூவி பரிமாறவும். சப்பாத்தி, பரோட்டாவுடன் சேர்த்துச் சாப்பிட பொருத்தமாக இருக்கும்.

Read More

லெமன் போஹா

தேவையான பொருட்கள்:

கெட்டி அவல் - 2 கப்
எலுமிச்சை - 2
மஞ்சள் தூள் - சிறிது
உப்பு
தாளிக்க:
எண்ணெய் - 2 தேக்கரண்டி
கடுகு - முக்கால் தேக்கரண்டி
சீரகம் - அரை தேக்கரண்டி
உளுந்து - அரை தேக்கரண்டி
கடலைப்பருப்பு - அரை தேக்கரண்டி
பச்சை மிளகாய் - 3
பெருங்காயம் - சிறிது
கறிவேப்பிலை - 2 கொத்து

 செய்முறை:    

எலுமிச்சையை சாறு பிழிந்து, அதில் சிறிது நீர் விட்டு உப்பு, மஞ்சள் தூள் சேர்த்துக் கரைத்து வைக்கவும்.

அவலை ஓடும் நீரில் அலசி வைக்கவும்.

எலுமிச்சை சாறு கலந்த நீரை அவலில் ஊற்றி, தேவைப்பட்டால் கூடுதலாக தண்ணீர் ஊற்றி (அவல் மூழ்கும் அளவு போதுமானது) அவலை 15 நிமிடங்கள் ஊற வைக்கவும். அவல் நன்றாக நீரை இழுத்துக் கொள்ளும்.

பாத்திரத்தில் எண்ணெய் விட்டு காய்ந்ததும் கடுகு, சீரகம், உளுந்து, கடலைப்பருப்பு தாளித்து, பொடியாக நறுக்கிய பச்சை மிளகாய், கறிவேப்பிலை சேர்த்து வதக்கவும். கடைசியாக பெருங்காயம் மற்றும் சிறிது மஞ்சள் தூள் சேர்த்து கலந்துவிடவும்.

வதக்கியவற்றுடன் ஊற வைத்த அவலைச் சேர்த்து லேசாகப் பிரட்டவும். ஊறிய பிறகு மீதம் சிறிது நீர் இருந்தாலும் பரவாயில்லை, அதையும் சேர்த்தே பிரட்டவும். உடையாமல் கவனமாகப் பிரட்டிவிட்டு 10 நிமிடங்கள் சிறு தீயில் மூடி வைத்து வேகவிட்டு இறக்க‌வும்.

சுவையான லெமன் போஹா தயார்.

Read More

பலாக்கொட்டை பூண்டு மசாலா

தேவையான பொருட்கள்:

பலாக்கொட்டை - 10 - 15
வெள்ளை பூண்டு - ஒன்று
சின்ன வெங்காயம் - 10
சாம்பார் பொடி - 1 1/2 தேக்கரண்டி
உப்பு - தேவையான அளவு
தேங்காய் துருவல் - 3 தேக்கரண்டி
தக்காளி - ஒன்று
தாளிக்க:
எண்ணெய் - 3 தேக்கரண்டி
கடுகு, சீரகம், உளுந்து, கடலைபருப்பு
மிளகாய் வற்றல் - ஒன்று
கறிவேப்பிலை - சிறிது

 செய்முறை:     

சின்ன வெங்காயம் மற்றும் பூண்டை தோல் நீக்கி நீளவாக்கில் நறுக்கி வைக்கவும்.

பலாக்கொட்டையை தோல் நீக்கி நறுக்கி உப்பு சேர்த்து வேக வைக்கவும்.

ஒரு பாத்திரத்தில் எண்ணெய் விட்டு காய்ந்ததும் தாளிக்கவும். அதில் மிளகாய் வற்றல் சிவந்ததும் கறிவேப்பிலை மற்றும் நறுக்கிய வெங்காயம், பூண்டு சேர்த்து வதக்கவும்.

வெங்காயம் வதங்கியதும் பொடியாக நறுக்கிய தக்காளி, தேவையான உப்பு சேர்த்து குழைய வதக்கவும்.

பின்னர் சாம்பார் பொடி சேர்த்து வதக்கி, தேவையான அளவு தண்ணீர் ஊற்றி பச்சை வாசம் போக மசாலா திரண்டு வரும் வரை பிரட்டவும்.

இதில் வேக வைத்த பலாக்கொட்டையை நீர் இல்லாமல் சேர்த்து 5 நிமிடம் பிரட்டி, பின்னர் தேங்காய் துருவல் சேர்த்து ஒரு நிமிடம் பிரட்டி எடுக்கவும்.

சுவையான பலாக்கொட்டை பூண்டு மசாலா தயார். சாம்பார், ரசம் அல்லது தயிர் சாதத்துடன் பக்க உணவாக பரிமாறவும்.

Read More

புளி சேவை

தேவையான பொருட்கள்:

ரைஸ் சேவை - 200 கிராம்
புளி - ஒரு எலுமிச்சை அளவு
வெல்லம் - ஒரு தேக்கரண்டி
எள் - ஒன்றரை தேக்கரண்டி
வேர்க்கடலை - ஒரு கைப்பிடி
மஞ்சள் தூள் - சிறிது
உப்பு - சுவைக்கு
தாளிக்க:
நல்லெண்ணெய் - 2 மேசைக்கரண்டி
கடுகு - அரை தேக்கரண்டி
உளுந்து - அரை தேக்கரண்டி
கடலைப்பருப்பு - அரை தேக்கரண்டி
கறிவேப்பிலை - 2 கொத்து
மிளகாய் வற்றல் - 4
பெருங்காயம் - சிறிது

 செய்முறை:   

புளியை அரை கப் நீரில் ஊற வைத்து கரைத்து வடிகட்டி வைக்கவும். சேவையை வேக வைத்து தயாராக வைக்கவும். வேர்க்கடலையை வறுத்து தோல் நீக்கி இரண்டாக உடைத்து வைக்கவும். எள் சடசடவென பொரிய வறுத்து வைக்கவும்.

பாத்திரத்தில் எண்ணெய் விட்டு காய்ந்ததும் கடுகு தாளித்து உளுந்து, கடலைப்பருப்பு, மிளகாய் வற்றல் சேர்த்து சிவக்க விடவும். இதில் கறிவேப்பிலை, பெருங்காயம் சேர்த்து வதக்கவும்.

வதக்கியவற்றுடன் கரைத்து வைத்த புளித் தண்ணீர், மஞ்சள் தூள், உப்பு சேர்த்து கொதிக்க விடவும்.

கலவை புளி வாசம் போக நன்றாக கொதித்ததும், வெல்லம் சேர்த்து கலந்து விடவும். அதில் சமைத்து வைத்த சேவை, வறுத்த வேர்க்கடலை மற்றும் எள் சேர்த்து கலந்து விடவும்.

ஒன்று போல பிரட்டி விட்டு (சேவை உடையாமல்) 2, 3 நிமிடங்கள் மிதமான தீயில் வைத்து எடுக்கவும்.

சுவையான புளி சேவை தயார். அப்பளம், வற்றல் அல்லது உருளை வறுவலுடன் பரிமாறலாம்.

Read More

பொட்டேட்டோ ப்யூரி கேசரி

தேவையான பொருட்கள்:

பொட்டேட்டோ ப்யூரி பவுடர் - ஒரு கப்
ஓட்ஸ் - 2 மேசைக்கரண்டி
ரவை - 2 மேசைக்கரண்டி
பாதாம் பருப்பு தூள் - 2 மேசைக்கரண்டி
சீனி - அரை கப்
நெய் (அ) வெண்ணெய் - 25 கிராம்
பால் - அரை கப்
வெனிலா எசன்ஸ் - 2 துளி
உப்பு - சிட்டிகை

 செய்முறை: 

பொட்டேட்டோ ப்யூரி பவுடர், ரவை, ஓட்ஸ் ஆகியவற்றை ஒன்றாக கலந்து வைக்கவும்.

இந்த கலவையுடன் பால் சேர்த்து அடுப்பில் வைத்து நன்றாக கிளறி விடவும்.

அதில் பாதாம் பருப்பு தூள் சேர்த்து கிளறவும்.

அதன் பின்னர் சீனி சேர்த்து கிளறவும்.

கடைசியாக வெனிலா எசன்ஸ், வெண்ணெய் சேர்த்து நன்றாக கிளறவும்.

பாத்திரத்தில் ஒட்டாமல் வரும் வரை கிளறி இறக்கவும்.

சுவையான பொட்டேட்டோ ப்யூரி கேசரி தயார்.

Read More