ஆந்திரா கத்தரிக்காய் வறுவல் - AANTHIRA KATHARIKAI VARUVAL

ஆந்திரா கத்தரிக்காய் வறுவல் - AANTHIRA KATHARIKAI 

VARUVAL

தேவையான பொருட்கள் :

கத்தரிக்காய் - 250 கிராம்
பச்சை மிளகாய் - 2
மிளகாய் தூள் - அரை தேக்கரண்டி
மஞ்சள் தூள் - சிறிதளவு
கரம் மசாலா - சிறிதளவு
இஞ்சி பூண்டு விழுது - இரண்டு தேக்கரண்டி
கடுகு, சீரகம் & உப்பு - தேவையான அளவு
எலுமிச்சை சாறு - இரண்டு தேக்கரண்டி
தேங்காய் எண்ணை - இரண்டு தேக்கரண்டி
20 பாதாம் (வறுத்து நொறுக்கியது)
கறிவேப்பிலை - ஒரு இணுக்கு
நெய் - ஒரு தேக்கரண்டி

செய்முறை :

கத்தரிக்காயை சிறிதாக நறுக்கி, உப்பு நீரில் போட்டு வைக்கவும்.

ஒரு இரும்பு கடாயில், தேங்காய் எண்ணை ஊற்றி, கடுகு, சீரகம் & கறிவேப்பிலை தாளிக்கவேண்டும். பிறகு பச்சை மிளகாய், இஞ்சி பூண்டு விழுது சேர்த்து வதக்க வேண்டும். நன்றாக பச்சை வாசனை போக வதங்கியவுடன், நறுக்கிய கத்தரிகாய்களை சேர்க்கவும்.

நன்றாக கிளறி, மஞ்சள் தூள், மிளகாய் தூள் & உப்பு சேர்க்கவும். சிறிதளவு தண்ணீர் தெளித்து, மூடிபோட்டு, மிதமான தீயில் வேக வைக்கவும்.

நன்றாக வெந்தவுடன், கரம் மசாலா, எலுமிச்சை சாறு & பாதாம் சேர்த்து பிரட்டி, ஒரு ஸ்பூன் நெய் ஊற்றி, பரிமாறவும்.