கேரட் பாயசம்

தேவையான பொருட்கள்:

கேரட் - 2
பால் - 2 கப்
சேமியா - ஒரு கப்
சர்க்கரை - ஒரு கப்
தண்ணீர் - ஒரு கப்
நெய் - 3 தேக்கரண்டி
முந்திரி, திராட்சை, ஏலக்காய் - தேவையான அளவு

 செய்முறை:  

கடாயில் நெய் விட்டு முந்திரி, திராட்சை வறுத்து எடுத்துக் கொள்ளவும்.

அதே கடாயில் மேலும் சிறிது நெய் விட்டு சேமியாவை வறுத்து எடுக்கவும்.

சேமியாவை வறுத்து எடுத்த பின்னர் துருவிய கேரட்டை போட்டு 8 நிமிடங்கள் வரை வதக்கவும்.

பின்னர் அதில் வறுத்த சேமியா, பால், தண்ணீர், ஒரு சிட்டிகை உப்பு சேர்த்து வேக விடவும்.

கலவை நன்கு வெந்ததும் சர்க்கரை மற்றும் ஏலக்காய் சேர்க்கவும்.

வறுத்த முந்திரி, திராட்சை தூவி இறக்கினால் கேரட் பாயாசம் தயார்.